Wednesday, October 17, 2018

Book Review: Dispareo I | Serialsleeper (M. Apdian)

dispareo 1 front coverTitle: Dispareo I
Author: / /
Serye Bilang: 1
Published date: (?)
Publisher: PSICOM Publishing Inc.
ISBN: 9786214141333
Language: Filipino
Genre: Horror, Gore, Fiction, Thriller, Slasher
Buy Link: http://psicom.ocnk.biz/product/1285

' ? ' - para maitama ang eksaktong petsa ng pagkalimbag, maaaring kontakin ang may-hawak ng pahinang ito sa sumusunod na link: https://www.literateknolohitura.com/p/contact.html

Nakuha ng pamalat ng librong ito ang atensyon ko, kaya ko siya binili. Mahilig kasi ako sa mga horror genre, yung mga zombies, at malinaw naman sa pamalat na may kinalaman ito sa nasabing dyanra.

To read the full review, continue scrolling down or click the 'Read more'...

Sunday, October 7, 2018

Book Review: Moymoy Lulumboy Book 3 - Ang Paghahanap Kay Inay

moymoy lulumboy ang paghahanap kay inay front cover
Title: Moymoy Lulumboy Ang Paghahanap Kay Inay
Author:
Serye Bilang: 3
Illustrator: Jomike Tejido
Published date:
Publisher: Lampara Publishing House, Inc.
ISBN: 9789715188517
Language: Filipino
Genre: Fantasy, Fiction, Adventure, Philippine Mythology

To read the full non-spoiler book review, continue scrolling down or click the 'Read more'..

Tuesday, October 2, 2018

Book Launch: Mga Batang POZ | Young Adult na Nobelang Pumapaksa sa HIV/AIDS

Ginanap ang book launch ng bagong nobela ni Segundo Matias, Jr. noong nakaraang Biyernes, Septiyembre 28, 2018 sa Precious Pages Event Center, Quezon City, Philippines. Ang bago niyang nobela ay pinamagatang "Mga Batang POZ". Ito'y pang Young Adult na libro na pangunahing pumapaksa sa HIV/AIDS. Matatandaan na ilang linggo lang ang nakalipas bago nito, nagkaroon rin siya ng isa pang book launch noong Septiymbre 14, 2018, ang ika-5 book ng Moymoy Lulumboy.

[ sundan ang kaugnay na balita tungkol sa coverage ng Moymoy Lulumboy bk. 5 sa ss. na link: https://www.literateknolohitura.com/2018/09/moymoy-lulumboy-5-ang-lihim-ng-libro-book-launch.html ]

Dinaluhan ang "Mga Batang POZ" book launch ng mga kaibigan sa media, mga manunulat, at espesyalista sa naturang sakit na HIV/AIDS.

Panoorin ang maikling video na ito, ang coverage ng "Mga Batang POZ" book launch:
https://www.facebook.com/Literateknolohitura/videos/539994716450898/

Unang nagbigay na paunang-salita si Dra. Rossana Ditangco, MD ng Research Institute for Tropical Medicine (RITM), Department of Health. Nagbigay siya ng maiksing panimula tungkol sa HIV/AIDS, sa kung ano na ba ang estado nito sa ating bansa.

Sa aking pagkakaalala, huling balita ko tungkol sa datus ng mga nagkakaroon ng HIV/AIDS ay noon pang Hulyo 08, 2018, para sa kaugnay na balita, basahin ang artikulo ng CNN Philippines sa sumusunod na link: http://cnnphilippines.com/news/2018/07/03/DOH-HIV-deaths-2018.html

Pangalawang nagbigay panimula ay si Mr. Eugene Y. Evasco na isang Propesor sa Departamento ng Filipino at Panitikan, sa Unibersidad ng Pilipinas (UP). Siya ang naging tagapayo ni Segundo Matias, Jr. sa pag-sulat ng akdang "Mga Batang POZ". Ang totoo niyan, ang librong "Mga Batang POZ" ay parte ng pag-aaral ni Mr. Segundo Matias sa kaniyang Masteral Thesis.

segundo matias during q and a for mga batang poz
Mr. Segundo Matias, Jr. during the Q&A portion

At nang dumako na sa Q&A, matapang na sinagot ni Mr. Segundo Matias ang mga katanungan tungkol sa kaniyang bagong libro.

Una niya/nilang binalak na gumamit ng alternatibong pen name sa librong Mga Batang POZ, sa ngalan ng JM Matias dahil nga kilala siyang may-akda ng mga pambatang libro sa tunay niyang pangalan, pero sabi niya kung ang layon ay patayin ang stigma sa mga taong may sakit na HIV/AIDS, bakit niya pa itatago ang pangalan niya sa alternatibong pangalan? Kaya naman lakas loob na niyang ginamit ang tunay niyang pangalan bilang may-akda ng librong ito imbes na JM Matias.

Naitanong rin kung handa ba siya sa backlash na matatanggap niya kapag napansin na ito ng Simbahang Katoliko, mga relihiyoso't mga konserbatibo. Batid naman niya na ang bansang Pilipinas ay bansang Kristiyano samakatwid konserbatibo ang mga tao. Lakas loob niyang sinabi na handa siya.

Naikwento rin niya nang bumisita siya sa isang pasilidad na nag-a-alok ng Free Testing for HIV/AIDS, yung mga nakapila, nakasuot ng face mask. Nakasuot sila ng face mask para sa kanilang pribasiya. Ito ang naging reference para sa art cover ng kaniyang libro. Tignan ang pamalat ng "Mga Batang POZ" sa ibaba:


Mabibili ang librong "Mga Batang POZ" sa halagang 299.75 pesos, sa lahat ng Precious Pages bookshops at kanilang online shop -> https://preciousshop.com.ph/products/lya00001-mga-batang-poz/

At mabibili rin ito sa mga major bookstores tulad ng National Bookstore sa susunod na mga linggo.

Salamat!



Further Reference:

Saturday, September 29, 2018

Book Review: Gagamba, a novel by F. Sionil José

gagamba by f sionil jose front cover artTitle: Gagamba
Author:
ISBN: 9789718845592
Publisher: Solidaridad Publishing House
Published date:
Language: English
Genre: Society, Drama, Historical Fiction, Filipiniana

I've been wanting to read a F. Sionil José title (any) back in the days of my college. That's a decade ago. It's just this year, I got a copy, a very premium and signed copy bought at Anáhaw Books. You may check their online bookshop at this link:
https://www.anahawbooks.com/

So let's head to the real review:

Saturday, September 22, 2018

Book Review: SEEN 1:43 AM (Extended Edition) | librong isinulat ni Rhadson Mendoza

seen 143 am front coverTitle: Seen 1:43 AM
Author:
ISBN: 9786214140244
Edition: Extended Edition
Language: Filipino
Publisher: PSICOM Publishing Inc.
Published date:
Genre: Drama

* SLIGHT SPOILER ALERT

Muntik ko na hindi tapusin ang librong ito dahil naiinis ako sa takbo ng kwento. At naasiwa ako sa halos umabot na daang pahina ng World Guiness Record na lambingan-at-away ng dalawang tauhan na si Rhaine at Klarissa.

Binili ko ito sa Shopee shop ng PSICOM at nakuha ng pamalat nito ang atensyon ko. Akala ko talaga nung una, nakakatakot ang kwento nito o nasa thriller genre ito kasi nga madilim yung cover art. Bakit ko pa binili? Hindi ako nag-pre-pre read ng mga reviews at plot dahil ayaw kong maapektuhan nito ang aking views at opinyon sa babasahin kong libro samakatwid ayokong nai-spoil ako. Gusto ko ma-surpresa!

Umabot ako sa pahina 90-something, at puro lambingan at nakakasakal na messaging ng lalaking tauhan doon sa girlfriend niya ang nabasa ko. Naghihinuha ako e, kung ano ba yung 1:43 AM sa kwento. Sa parteng iyon ko lang na-realize talaga na wala yung ine-expect ko na kidnapping scene, patayan scene, o paranormal scene. Talagang drama genre nga ito. Kasi nga akala ko talaga horror o thriller genre siya. Nang dahil dun, itinuloy ko pa rin ang pagbabasa hanggang matapos. Gusto rin ma-obserbahan ang kanilang sitwasyon.

Hilig ko rin naman pag-o-obserba sa behaviour/pag-uugali ng mga tao tulad ng nasa kwento. Mapapatanong ka, may ganito pala ano? Yung Long Distance relationship at yung isa pa na makipag-relasyon sa babae na hindi naman sigurado sayo.

Yung parte ng kwento kay Lia, "a day" lang sinagot yung pangunahing tauhan, grabe na maka-kandado sa babae. "A day" ka lang sinagot, hindi ko sinasabi na mali o tama ang grabeng pagmamahal, mahirap timbangin yan, pero "a day" ka lang sinagot, sobra ang pag-aalala ng pangunahing tauhan para kay Lia. Nakikita ko na tunay at agad-agad ang pagmamahal ang pangunahing tauhan pero "a day" lang siya sinagot. Paulit-ulit ako ano? Uulitin ko "a day" lang siya sinagot ng 'i love you', ni hindi man nag-alangan si Rhaine kung solid ba yung 'I love you' kasi sinabihan siya na pupuntahan ni Lia yung Ex niya. Siguro totoo yung kasabihan o nangyayari na "nakakabaliw ang pag-ibig".

Nainis man ako sa pangunahing tauhan, love interest niya, at takbo ng kwento, hindi ko rin maitatanggi na dumaan rin ako sa pagkakataon na baliw rin ako sa pag-ibig noon. Yung akala ko tama ako at wala naman akong ginagawang mali. Pero nang tumanda na at binabalikan ko ang mga ala-alang ginawa ko, napagtanto ko na ang selfish ko pala. Inunawa ko rin dapat siya kung bakit pero hindi natin magagawa iyon sa sitwasyon na nasasaktan ka rin. Hindi naman itinuro ang Love 101 sa school e. Paano nga ba natin malalaman kung tama o mali ang ginagawa natin pagdating sa pag-ibig? Hindi ko inihahalintulad yung love life ko dati sa mga tauhan ng kwento, pero nangyayari naman talaga yan. Yung akala mo wala kang mali pero meron, meron, meron. Hindi mo nga lang natin makikita kasi baliw na tayo sa pag-ibig. Kaya tanging sarili lang natin ang makakaunawa ng mga pagkakamali natin, hindi man kaagad sa kasalukuyan, maaaring sa hinaharap pa. Matatawa na lang tayo kapag nagbalik-tanaw sa atin ang mga nangyari.


Hindi ko na masyadong papahabain pa. Ito ang grado ko sa librong ito, kalahati: 2.5 / 5.0

Hanggang sa matapos, may inaasahan pa akong aral na iiwan yung pangunahing tauhan na si Rhaine pero hindi ko siya inasahan. Sadyang closure lang.

Ang "Seen 1:43" ay maituturing kong specimen o materyal para sa behavioural study ng mga mag-aaral ng Sikolohiya. Kaya inirerekomenda ko ito kung gusto niyo obserbahan at pag-aralan ang klase ng sawing pag-ibig nila.


seen 143 am rear book spine

Maraming salamat!

-